Виена Авионска програма

Новогодишен Базар > Божиќен Базар Виена > Виена Авионска програма

Виена Авионска програма

ВИЕНА и БРАТИСЛАВА

 

АВИОН/ 4 дена/ 3 ноќевања

ВИЕНА - актуелна престолнина на Австрија и некогаш главен град на моќната Австроунгарска Империја.
Денес модерна туристичка метропола на бреговите на убавиот плав Дунав. Градот шармира со убавите Палати на Царскиот Hoffburg и Шенбрунските паркови,како и со богатите уметнички колекции... шопинг и гурманско уживање во многубројните ресторани. Градот во кој живееле и твореле Гете, Фројд, Бетовен, Ајнштајн,Моцарт...Во Виена е се посебно, од убавината на неговата панорама до вкусот на колачите.                     

НАПОМЕНИ: За овој аранжман важат Општите услови за патување на Kамелија Турс

За реализација на аранжманот потребен е минимум од 25 патници

Цените се дадени во евра, уплата се врши во денарска противвредност по курс 1 евро = 62 денари

Пасошот треба да важи минимум 3 месеци по завршувањето на патувањето

Слични Понуди

Програма

1
02. Декември (Петок) СКОПЈЕ – ВИЕНА
    Состанок на групата на аеродромот во Скопје во 17:30 часот. Полетување за Братислава во 19:50 и слетување во 21:25 часот. Трансфер од Братислава до Виена (80 km) и сместување во хотел. Ноќевање.
2
03. Декември (Сабота) ВИЕНА
    Појадок. Панорамски разглед на Виена: Дворецот Белведере изграден од Еуген Савојски, обиколка на Рингштрасе (кружната улица) околу која се изградени најзначајните објекти во Виена, Музејскиот кварт, плоштадот Марија Терезија, еден од најубавите комплекси препознатлив по двата музеи близнаци, Парламентот, Универзитетот, Операта... Факултативна посета на Кралскиот дворец Шенбрун, летната резиденција на Франц Џозеф, посетена од милиони туристи годишно. Палатата заедно со паркот е најголема туристичка атракција во Виена, под заштита на УНЕСКО. Прошетка во центарот на градот: најстарата барокна Црква Св. Петар, по познатата улица Грабен до Stephansplatz и Катедралата Св. Стефан симбол на градот и државата, Дворецот Хофбург којбил седиште на моќното Хабсбуршко царство, а денес е резеденција на австрискиот претседател... Можност да се почувствува атмосферата на виенските кафулиња со “melange” кафе и захер торта. Ноќевање.
3
04. Декември (Недела) ВИЕНА
    Појадок. Посета на најголемиот шопинг центар во Австрија SCS – Shopping City Süd, кој зафаќа површина од 176000 м2 и има над 330 дуќани. Слободно попладне за посета на предновогодишен базар. Можност да се почувствува празничната магија со мирисот на ароматичните пекарски производи, печени бадеми, слатки и топли пијалоци за загревање. Рингишпил и забавни работилници за деца, божиќни подароци, весела музика… Вечерта, факултативно, посета на ресторан и можност да се проба “вистинска” виенска шницла. Ноќевање.
4
05. Декември (Понеделник) ВИЕНА-БРАТИСЛАВА-СКОПЈЕ
    Појадок. Трансфер до Братислава и разглед на градот. Посета на прекрасниот Братиславски дворец, лоциран на ридот од каде има прекрасен поглед на градот, едно од ретките места со можност да се видат три држави: Австрија, Унгарија и Словачка. Разгледот продолжува кон старото градско јадро: средновековниот главен плоштад со Роландовата фонтана, Градското собрание, Катедралата Св. Мартин, Михалската порта, Словачкиот национален театар, барокната Палата Palffy каде Моцарт ги изведувал своите дела, палатата Pauli каде Франц Лист го отсвирел својот прв концерт... Слободно време за кафе пауза и ручек. Полетување за Скопје во 22:20 и слетување во 23:50 часот.

Цената покрива:

Организација на аранжманот и придружник на патувањето
Авионски превоз на релација Скопје-Братислава-Скопје
Организиран трансфер од Аеродромот до хотелот и обратно
Разглед на Братислава според програмата
Pачен багаж (1 торба/куфер со димензии 40х30х20cm до 10kg)
Разглед на Виена со локален водич според програмата
Сместување во Хотел 3*/ 4* во Виена на база 3 ноќевања со појадок

Цената Не покрива?

  • Аеродромски такси 4.500 денари
  • Доплата за багаж за чекирање (1 торба/куфер со максимум 10kg) 2.250 денари
  • Доплата за багаж за чекирање (1 торба/куфер со максимум 20kg) 3.500 денари
  • Туристичка такса 740 денари (се плаќа во Агенција)
  • Посета на Шенбрун 45 евра (трансфер, влезница, водич) или 10 евра трансфер до Дворецот Шенбрун
  • Организирана вечера во ресторан
  • Влезници во локалитетите, карти за локален превоз
  • Патничко – здравствено осигурување

Приклучете се на нашата емаил листа за добиете новости и нови понуди!

ALL BOOKINGS & ENQUIRIES

+389(0)2 31 62 916 info@camelliatravel.com.mk

Follow Us;

Веб страната е изработена од Best Net Studio 2018. All Rights Reserved

Pin It on Pinterest