Албанија е земја која излага на две мориња - Јадранско и Јонско. Покрај популарните дестинации за време на летната сезона, Албанија нуди и низа други дестинации и градови, од кои некои се стари илјадници години и се под заштита на УНЕСКО.

Јадранско крајбрежје

Северниот дел на албанската ривиера излага на Јадранското Море и е познат по своите песочни плажи и плитка вода, поради што градовите на овој дел од крајбрежјето се популарни меѓу семејствата со деца.

Најпознати и најпосетувани плажи во овој дел на Албанија се плажите Velipojë , Shëngjin , Golem, Spille, но и заливот Lalzi и плажите во градовите Валона и Драч.

 Плажата Velipojë  е најсеверната плажа на јадранскиот брег на Албанија и е оддалечена околу 22 километри од Скадар. Velipojë  е особено познато место поради дури 250 сончеви денови годишно, а благодарение на температурата, која во мај веќе е над 20 степени во просек.Velipojë  е плажа која е идеална за семеен одмор затоа што е пространа, долга дури 4 километри и со плитко море.

 Shëngjin  е одлична песочна плажа лоцирана во близина на градот Lezhë , оддалечена околу 8 километри. Плажата, слична на Velipojë , е позната по дури 300 сончеви денови годишно, но и по специјалитети и храна што можете да ги испробате само во овој дел на Албанија.

 Драч е добро познат град на околу 39 километри од Тирана и најпосетуваниот крајбрежен град во Албанија. Не е невообичаено долгите плажи да бидат преплавени со гости и туристи, бидејќи Драч, покрај одличната локација, е  место каде има добра забава.Она што ги радува гостите во Драч се долгите плажии можноста за долги прошетки или возење велосипед, но и спортови на вода.

Spille е уште една од најубавите плажи во Албанија, која многумина ја нарекуваат рајска плажа затоа што е опкружена со извонредни природни предели . Плажата Spille се наоѓа во  близина на Драч, и е идеална за оние кои сакаат да се опкружени  со природа и мир.Доколку сакате да ги посетите плажите со подлабока морска вода, можете да ги посетите плажите северно од Драч.

Заливот Lalzi е уште еден атрактивен дел од јадранскиот брег и е прекрасно уметничко дело во должина од 7 и пол километри. За оние кои уживаат во нуркањето, наша препорака е да го посетите овој залив . Плажите во заливот се песочни,  опкружени со природа и  високи борови дрвја.

После Драч, Валона е најголемиот крајбрежен град и многу важно пристаниште во Албанија, а исто така е и познат туристички центар. Валона ја заслужува секоја препорака бидејќи е град кој поврзува прекрасни плажи, голем број летни содржини и одлични ресторани.

Дел од плажите во Валона и нејзината околина се познати по карпестиот брег, кој е погоден за луѓе кои сакаат нуркање.

 Освен Јадранското крајбрежје, Албанија излага и на  Јонското крајбрежје.

Јонско крајбрежје

Овој дел од крајбрежјето на Јонско Море е познат по неверојатно чистите води и тиркизните плажи.Дневната температура во текот на летото е 36 степени. Што се однесува до температурата на морето на југот на Албанија, таа варира од 22 до 26 степени, во зависност од времето и периодот во  годината.

Најпопуларните дестинации за одмор на албанскиот брег на Јонското Море се Саранда, Ксамил, Химара, Дерми како и помалите места во близина на овие градови. Она што го прави специфичен овој дел на Албанија е тоа што летните одмори, односно пливањето, се можни од средината на април до крајот на септември.

Од поголемите градови е Саранда. Град со околу 40.000 жители во јужна Албанија, во близина на границата со Грција. Саранда има долго шеталиште, прекрасни плажи, модерни хотели. Саранда е одличен избор и за гости кои доаѓаат со деца и за младите туристи кои сакаат добро да се забавуваат.

Кога станува збор за помали места како Химара, Дерми или Ксамил, можеме да кажеме дека ако барате место кое е тивко, без многу гужви, ако изберете кој било од овие три градови - нема да погрешите. Сите три места се претежно популарни меѓу туристите.