Тајланд е земја која се наоѓа зад волшебното огледало, прекрасна во својата  разноликост, бојата, мирисот и страстa….сосема поинаква од нашата реалност.
Народот, природата, и храната се посебно доживување под тропското небо. Таму се цвета со  посебен сјај кој се памети многу долго. Тајланд се наоѓа во централниот дел на Индокина и граничи со Малезија, Камбоџа, Лаос и Мјанмар, препознатлив  како земја на орхидеи, мистични реки,  тропски шуми, прекрасни Будистички храмови како и  пријателски расположени и насмеани луѓе. Бангкок е модерен главен град на Тајланд, со повеќе од 15 милиони жители, каде античките храмови, населби и пазари се потпираат на блескавите облакодери, тој е метропола со сто лица, која се развива со неверојатна брзина.

PHUKET - Некогаш изолиран и малку населен остров, Пукет бргу прераснува во модерна и луксузна туристичка дестинација која е денес посетена од огромен број на туристи од целиот свет. Овој тропски рај е вистинско место за љубителите на песочни плажи, чисто и топло море и богат природен диверзитет. Покрај изобилството на убави плажи, море и сонце, Пукет нуди и други интересни вредности како будистички храмови, живописни локални места, ресторани, забава и богат ноќен живот.  Климата на островот е тропска со високи температури во текот на целата година и висока влажност во воздухот. Ова  незборавно, лесно патување ќе ви донесе многу интересни информации, забава и уживање, кои ќе ви останат во трајни спомени.